Moiwindel-Gstanzl

Text & Musik by Geiss Haejm

2020/ Opus 666

 

Goschnhodan, Fotzenfetzn,

d Leit gengananda hetzn

Fotzhodan, Rotzlappn

wia Deppn umanandatappn

 

Meaklhodan, Södafetzn

d Leit gengananda hetzn

jeda trogt d Bledheit im Gsicht

Oh legg, die ham uns gscheid zammgricht!

 

Meassma s Gsicht vostegga imma

frei schnaufa deafma nimma

ham d Meakl und da Söda gsogt

uns hod dabei ned gfoagt.

 

Geßlerhaum, Affnhodan

do wochsnd da leicht um s Moi a Blodan

Jeda soifad in sei Windl

vom Groußvodan bis zum Kindl.

 

Eischnaufa wose ausgschnauft han

schoffd ma da Minista Spahn

blewad nache ois am Drostn

und uns duats die Freiheit kostn.

 

Wa´ ma grod üwa Kostn red

d Wiatschaft bringands aa ums Lem

Oabatslouse üwaroi

mia hamma langsam d Goschn voi.

 

Mia hamma so gean gsunga

doch an Moikoab hamms uns aaffezwunga

se hamd a Pandemie erfundn

wa da Gates braucht neie Kundn.

 

Da kimma no so schimpfa

da Gates waej uns alle impfa

ea schmiad dafia die ganze Waejd

alle giern nach seim Gaejd.

 

Bei da Saugripp Zwoatausndnei

war da Drostn scho dabei

hod Pharmariesn reich beschead

und d Meakl hod scho aaf eahm ghead

 

Statt dassn dafüa in d Haej häd gschickt

hod sn wieda aussabiggt

Ea deaf aejtzs Land in Abgrund füahn

und uns vorher voiluing s Hian.

 

Und neamd hodse gwiaht

wias die Oitn ham eigschpiad

wias d Kinda gmoadat ham

wa Angst geht um im Land.

 

D Regierung is so frei

de Konzerne steggans hint oisn ei

s Bargaejd woins uns aa staejhn

und dafüa soi mas wieda waejn.

 

Frei schnaufa is Menschnrecht

und i dir ins Gsicht schau mecht,

doch lauand Windlschandarm

und Denunziantn schlong Alarm.

 

Frei schnaufa wiasses ghead

des hamms uns lang voweaht

se hamd uns gschstoin die Gsichta

ja schloffand alle Richta?

 

Ois weng dem Corona

se daadnt uns grod schona

eischpian und isoliern

und wia Affal dressiern.

 

Moiwindl, Moihodan

Moikappn, nasse Zodan

da Bort pappt man fest am Latzal

da mog koa Bussal meah mei Schatzal.

 

Kropftiachl, Zipfefleckerl

Moikappm, Goschndeggal,

Goschntiachl, Coronafandl

für alle Weiwa und fia d Mandl.