Bin aus m Trott

Opus 536/ 2002

Mancher Mann, der in alltäglichen Dingen immer bedient wurde, dem fallen viele Arbeiten erst auf, wenn sie ihm plötzlich niemand mehr macht. Aber Jammern wäre da doch zu albern, selbst ist der Mann!

Bin aus m Trott.

I muaß mein Weg aejtz saejba findn,

muaß ma d Schuahbandl saejba bindn,

i muaß ma s Fuada saejba suacha,

an Doag riahn, wenne mog an Kuacha.

I muaß ma d Briafmakal saejba bigga.

Muaß ma d Seggl saejba fligga,

muaß ma d Broutzeit saejba hoin,

und nacheleng im Ofa Hoiz und Koihn.

Muaß me aaf d Nacht saejba zuadegga,

und in da Friah saejba aafwegga,

muaß ma an Kaffee saejba kocha,

und iwa meine Witz saejba locha.