Opus 524/ 2000
Ein braver Mensch! Es soll
ihn geben, habe ich gehört...
Ea safft ned und rafft ned
und is aa koa Lump,
ea raucht ned und luigt ned
und lebt ned aaf Pump.
Ea rast ned und schreit ned
und koppt ned recht laut,
und nia ned hoda
an Kleanan eighaut.
Ea bscheißt ned und schtaejt ned,
obwoias leicht kannt,
ea pfleatscht ned und schpott ned,
hod saejtn an Grant.
Ea ißt, wos am Tisch kimmt
und griaßt jedn Hund,
und deut se, wenns sei muaß,
die eckig Waejd rund.
Ea oawat recht fleisse,
und kimmt aa nia z schpät,
ea schaut ned z vaej Feanseh,
des is eahm vaej z bled.
Ea schpaejt mit de Kinda
und is seit Jahren scho trei:
seim Auto, seina Bank
und seim Ehewei.