Opus 446/ 1995
Schon wieder so ein Ziegenlied!
Mei Goaß Gleggal hod a
Beggal,
es schteht no wagglad aaf de Fiaß,
oh mei mei Gleggal und iah Beggal,
die zwoa sand hoid goa so siaß.
s Beggal waggld mit seim Schwanzal,
wenna iah ans Auta geht,
und sie schnoofed und sie meggad,
ja, luus grod zua wos mit eahm red!
Und des kloa Beggal hoaße Peda,
waa a Beggal braucht an Nam,
und i nimm na aaf mein Oam,
und i frißn hoiwad zamm.
Und am Peda wochsnd Heandln,
deitle gschpiad mas om am Hian,
ja, da schlogt da nach seim Vodan,
i hoff grod, daßn niamos ian.