I gfrei me, dass de gibt

Opus 413/ 1993

I gfrei me, dass de gibt

und dass ma uns mia zwoa kennend,

i gfrei me, dass d ma traust,

und dass ma saejbe guat nennand.

I gfrei me, dass ma mia

übas saejbe gean lochand,

und uns aus manche Kraampf

übahaupts nix mochand.

I gfrei me, dass de gibt,

und mia d Goschn hoitn kinnand,

und manchmoi grod so zammsitznd,

und schdaad vor uns hi schpinnand.

I gfrei me, dass ma mia zwoa

aaf neamdn neidig sand,

ament samma die Oanzign,

weit und breit im ganzn Land.