Opus 397/ 1990
Schlimme Verhältnisse bringen gewöhnlich schlimme Menschen hervor. Doch
manchmal entwachsen ihnen so gute Menschen, wie sie gute Verhältnisse kaum
hervorbringen. Ich habe dafür keine Erklärung, doch es ist wunderbar.
Sei
Muata war a Browaschtauan,
sei Vata war a Schlee,
drum
is a goa so kratzad woan,
drum traut se neamd higeh.
Sei Nest, des war aus Brennessln,
inmittn Krowentschtauan,
und gfuadat hom s eahm Distlbladln,
hod heit im Hois no Rauan.
Mit Kresslen hom s n zuadeckt
und mit waejde Rosn tratzt,
und Schtachatsbial warn seine Freind,
sag, hättstn so eigschatzt?
An Kre hom s eahm gfuadat,
aaf d Nacht und in da Friah,
und mittags gabs Senfkeandl
und Pfeffabriah.
Und trunga hoda Zwiefesaft,
und gschleckt hoda grod Rindn,
und trotzdem is sei Heaz so woach,
wiast
kaum a weachas findn!