Bin a miada Bua

Opus 153/ 1980

I mecht aejtz ins Bett geh,

mei waas aejtz im Bett schee,

in meim Bett dahoam,

do waas aejtz so woam!

Daad mi glei zuadegga,

neamnd deafd me aafwegga,

i mecht heit mei Ruah,

bin a miada Bua!

Mei und a weng draama

und d Oawat vosaama,

untam Duchad voschanzn

und schnoacha und ranzn.

Daads mia nur wea schoffa,

an ganzn Tog s Schloffa.

und a poor Mak dafüa zoihn,

des daad ma scho gfoin.

Doch wenne dann frei han

i füa s Schloffa nimma Zeit han,

i bin nimma miad

und sing a frechs Liad.

Jeda Tog wiad ma z kuaz fei

drum lebe in d Nacht ei,

i bleib solang aaf,

i schau, loch und saaf.