Oamoi im Johr

Opus 106/ 1977

alternativer Text zu „Stille Nacht“

Oamoi im Johr, zua Weihnachtszeit

schtehd übaroi guats Essn bereit,

übaroi summand d Leit „Stille Nacht“,

in alle Herzn weand Gefühle entfacht,

wenigsns oamoi im Johr,

für a paar Schtund im Johr.

Oamoi im Johr, zua Weihnachtszeit

hod koan Plotz, da Hass und da Neid,

vo übaroi ströhmand Vowandte herbei,

d Entferung is dabei einalei,

alle findns so schee

nebn brennande Kiazn zum schteh.

Oamoi im Johr, zua Weihnachtszeit,

denkt neamad an sei Arbeit,

Angst is vogessn, Kiazn hand woam,

es gibt gnua zum Tringa, du hoitst me am Oam,

neamd fluacht, man head koa lauts Woat,

üwa den vodammtn Akkoad.

Oamoi im Johr, zur Weihnachtszeit,

kannst leicht bereitn a wengal a Freid.

Übaroi sand Nachbarn alloa,

loda oan ei, mehr brauchst goa ned doa,

wenigsns oamoi im Johr,

für a paar Schtund im Johr.